Atlâhpa ta mâpha

Daihti nata nohzy a khô lymâ, A chyu kaw dia! Eimâ lyna nohzy; Pasaileina chô achhaih khai aw pi, Chhaihna lyubie dei reih khoh tua ei s'u. Tahmâ deikua achhaih khai chy hr'ei si, Chôkhazoh miah hrohbieh lymâ sala; Tyh heih n'awpa noh a vaw chhi heih aw na, Ei lailâh zydua atlâhpa ta mâpha. Viasa saih u, za sai hra tua ula, Thapha ta eimâ kaona nohzy he; Lopa ta sihnôh vaw kua khao aw vei, Chhôhso lia dei angie laih tyh aw pi. Lôhkipa ta laihzaolaona nohzy, Ramâ hawh za châ khai hra sala; Hy! Ei viasa lôhkhy zydua saih u, Hnohlâ thângiena he pai thei aw vei. Rohpady na, ngiatiah va chhôhso lia, Thapha ta eimâ tyh heih n'awpa noh; Chôkhazoh ryh maniah raopa heih sa, Tyh heihna lia ly ta kao heih aw pi.