MARALAND

Maraland ei pina ei laiseihna, Ti pasoh nah thlihua zy chareina; Rainô, Sopavaw to paryhna râh, Pyungia râh ei pina, ei laiseihna. Hy! Nâ ngia pachai, ei chareina, Pawpi pawngia tozy su paryhna, Tupi thosôh nah tlâh to meithâh zawna. Ei khih bôhpi Siaha, Saikao, Tipa, Zyhno, Chapi lypa ta chareina; A vahpi tisohpi, Tisi, Beino, Zasâh mo rei chai Palâ Tipo chhao. Lôhkhy viasa chhao eima chareina, Maraland chhôhso ta kyh ei cha pachâ; Tlôsai, Vytu, Zyhno, Hawthai, Chapi, Ly ta hlasa pi eima râh pha lia. Ei râh ngia lo lei ta paw patly la, Chôkhazoh ta cha hrobieh lymâ se; Na sona, hmahsiena sâh lymâ se, Maraland ei pina ei laiseihna.