MaraLyrics
Marasawzy laihna râh pha
Marasawzy laihna râh pha,
 ngia chai na, ei sai châh ta;
Lytlâh phapa zili pathaihpa,
Tipasohpa lona râh.
Tlâhpadâ to ei hry châh ta,
Thosôh chô lia pawto pakai ei;
Sopavawzy laihzaolao ei,
Marasawzy chareina.
Tlâhpi tawh vâpiati pasohpa,
Nai zualuapa ta a lohna;
Tupi thosôh padâ chô liata,
Meithâhpi â zawna râh.
Marasawzy laihna râh he,
Sato palaona tlyliahpha;
Pasaiphapa nata Riahpawzy,
Lôhkipa ta râh chuahna.
Liah-ri tlona Mara râh he,
Syhpakhypa lailâhzy chhao;
Cha-aw-chalaih pawh bâ hra ei si,
Marasaw laihna râh lia.