My thei vana

Laihna khizaw lia he kei châ, Hmo sôhpa nah rônahpazy hlâ; Vyhpi ta nâ phaohtuhpa ei Nâ, Kei châ hmosôhpa zydua hlâta a sôh via. Kyhpachâna ta na mohôh, Riethei to a tao kei vâta; My thei va na, ei Nâ khohchai, Mothlih chhao kei châ thlah a chhâtyh, Tlâhlei, chiehleina ei tyh no chhao, Kyhpachâna ta nâ pyh, Na mohôh tyh, Chhohkha nôchâ a thaizie kha, Khitlâh, opa, viasa, lôhkhyzy; Kyhpachâna ta miah syhpahmaoh, Nô maohpaohna a hro lia a palâsa tyh. Thlôchho chhao chhôhpi nô lei ta, Raisâhsa tyh lailâhzy hry lia; A chhôhso lôhki lia dei ei Nâ, Vâpa ta a ngiah solo, Myna noh hnei vei.