Nahthlie vâ Bei saw cha

Nahthlie, vâ Bei saw cha Bethlehe viahchao o lia, Nawh hawh apyhpa ta a vaw pih; A bei rôhnahna vâ dyuchhai za siesai ta, Miah chatlaipa viahchao o nawhpa lia a pih. Eimâ châ ly lei nah vâ Bei rôhnah, Reithai hla thata eima sa aw; Mohnaopa nah rietheizy Beipa, Hlâno Bethlehe liata su y leipa kha ; Tahmâ deikua eima hry liata su a y. A pihna su riethei Bethlehe dei leipa cha, A châta su hropa y tlôh va A luh â ziana Bethlehe viahchao o nawh, Lei beizy nah a chyhsazy ta khoh tlôh va. Bei chônô, su chônôchai pahrâpa Bei Zisu, Lei beizy ta ano dyuh hr'eisa; Kei châ deikua cha Bei khochhih chai châ chi ta, Viavi sawzy lyna Beipa vaw pihpa hih. Hlâno Idah sahdô lia hrona eima pahlei, Tahma Beipa ta miah pie heih ta ; A bie tawh puapa viavi saw miah palôhtuh, Deiva awhsi hlâta â ngia via Beipa cha. Hlâno Bethlehe liata na châta su y vei, Nâ mopathaih vâ Bei pih nawpa, Tahmâ deikua he liata na châ su a y, Zisu eima hnoh pahrâ la, miah ypâ teh.