Pakhaihsa â daih haw

Marasawzy lôhngâna chai Mara thyutlia zy, Na kyhpachâna ku ta eima râh pakhaihsa la; Vâ awhsizy vâchô a khaih pahliepa hawhta, Eima râh pakhaihsa la râh hrozy hlâ ângia via nawpa. Mara tlâh lia thosôhpazy a y thlâh bao na ta, Khazia a vaw khaih thei vei; Khazia a hmahsie thei vei, Marasawzy laihna râh lia ahy a duah aw; Thyutlia riahpha thyu bâ la eima râh pakhaihsa â daih haw. Marasaw zydua ta reiraoh lôh miakha phaopa ta, Eima râh châ a hriapasa khai thei ha maw sih la; Eima râh he pawpi hawh a vaw pawh ha bâ aw na, Râh hrozy thâ a ngiana chhao ykhao hra aw vei; Nahkhao ta thei la na palôh ta vaw pachâ teh, Paleih ta reih la na ku ta vaw practice tua; Eima râh he sôkha ta a vaw kiathy aw na, Hnôhlâ asy lei na hmia lâ tôh lymâ suh. Marasawzy lôhngâna chai Mara thyutlia zy, Na kyhpachâna ku ta eima râh pakhaihsa la; Vâ awhsizy vâchô a khaih pahliepa hawhta, Eima râh pakhaihsa la râh hrozy hlâ ângia via nawpa. Thyutlia riahpha vaw thyu bâ la, Eima râh pakhaihsa âdaih haw; Thyutlia ngâchhih vaw thyu bâ teh, Eima râh pakhas’aw âdaih haw. Mara tlâh lia thosôhpazy a y thlâh bao na ta, Khazia a vaw khaih thei vei; Khazia a hmahsie thei vei, Marasawzy laihna râh lia ahy a duah aw; Thyutlia riahpha thyu bâ la, Eima râh pakhaihsa â daih haw. Marasawzy lôhngâna chai Mar thyutliazy, Na kyhpachâna ku ta eima râh pakhaihsa ha bâ teh.